Gunnvor Guttorm, Harald Gaski
Duodji Reader – Guoktenuppelot čállosa duoji birra sámi duojáriid ja dutkiid bokte maŋimuš 60 jagis.
Máilmmi álgoálbmogiid duddjonvierut leat oažžugoahtán eanet fuomášumi ja dohkkeheami maŋimuš moaddelot jagi. Lea maiddái fáddá mas leamaš ságastallan akademalaččat ja dáiddaoahpahusas. Gozihan dihte beroštumi álgoálbmogiid dáidda- ja duodjedoaimmaide, mii fállat dán girjji sámi duoji birra. Duodji ovddasta Davvi Eurohpá álgoálbmoga dáiddalaš ovdanbuktinvuogi. Duodji ii čujut dušše loahppabohtosii, ieš duodjebuktagii, muhto dat duođašta olles doaimma – ávnnasteames gárvves duodjái. Duodji čájeha holisttalaš buvttadanrieggá, mo luondu ja olbmot barget ovttas fuomášeamis, govvahallamis ja duddjomis biergasiid mat leat hámálaččat ja vuohkkasat geavahit.
‘Duodji Reader: Guoktenuppelot čállosa duoji birra sámi duojáriid ja dutkiid bokte maŋimuš 60 jagis’ lea Sámi allaskuvla ja Norwegian Crafts ráhkadan. Professorat Gunvor Guttorm ja Harald Gaski leaba doaimmahan dan, ja dasa leat searvan oktanuppelohkái sámi dutki, duojára ja čálli davvi-, julev- ja lullisámi guovlluin. Čállosat leat julev-, lulli- ja davvisámegillii eŋgelasgiela lassin. Girjjjis leat maiddái ollu govat dujiin maid badjel golbmalogi dálááiggi duojára leat duddjon.
Girji heive bures dáidda- ja duodjeoahpahussii, ja maiddái čájálmassan sámi duoji jurddašeamis ja dahkamis, mas leat čiekŋalis ruohttasat davviguovllu álgoálbmot dáiddahápmin.
Almmuhuvvon: 2022-02
Čatnan: Dipma olggoš
Siiddut: 261
Giella: Davvisámegillii
ISBN: 9788232905133
Lágádus: Davvi Girji
Logg inn først
Logg inn
