gos eanan iežas čiŋat giktalit

Maarit Hivand

Dáin divttain muitaluvvo man láhkai olbmo juohkebeaivválaš eallin ja luonddu áigodagat leat bárgiduvvon oktii, girječálli ealli ja rikkis sámi njálmmálaš gielain ja jurddašanvugiin. Divttat leat čállojuvvon olbmuid ja luonddu lotnolas ovttasbirgema birra. Olmmoš sáhttá oažžut návccaid, jeđđehusa ja veahki luonddus dálkkodandihtii iežas lossa deattuide ja morrašiidda, muhto sáhttá maiddái gávdnat iluid ja návccaid ođđa doaivagiin. Luondu áittarda ja fámuiduhttá olbmo su návccahisvuođas. Divttain vuhtto maiddái ahte buolvvat leat buolvvaide oahpahan mo áittardit ja gudnejahttit luonddu ja buot daid sierralágan sivdnádusaid mat doppe ásset.