BIEBMU JA DEARVVAŠVUOHTA OAHPPOGIRJI 5.-7.CEAHKKI
Biebmu ja dearvvašvuohta-fága lea miellagiddevaš fága mii guoská buohkaide. Oahppogirjjis beasat lohkat ja oahppat dan birra gos biebmu boahtá ja movt ráhkkanahttit dan borramuššan. Don beasat maid lohkat ja oahppat dan birra mii dearvvašlaš biebmu ja biebmodoallu lea, ja ahte das maid don válljet borrat váikkuha sihke du fysalaš ja psyhkalaš dearvvašvuhtii.
Dasa gullá maid oahppat iešguđetlágan riibadanvugiid ja vurkkodanvugiid. Sámi árbevirolaš borrandábit,
borranbáikkit ja guoddevaš biebmodoallu leat guovddážis dán oahppogirjjis. Dasa lassin oahpat gievkkanreaidduid namahusaid, iešguđetlágán málestanteknihkaid geavahit, lohkat ja čuovvut biebmoráhkadanneavvagiid, biebmoávdnasiid, biebmomáinnusteami, biebmolága, biebmomearkkaid ja váikkuheddjiid birra.
Bargogirji: Bargogirji čuovvu oahppogirjji kapihttaliid ja hástala okto ja ovttas earáiguin jurddašit ja čiekŋudit oahppogirjji fáttáide.
Neahttasiidu: Neahttasiiddus leat biebmoráhkadanneavvagat, filmmažat, lassi bargobihtát, evttohusat skuvlagievkkannjuolggadusaide, oahpaheaddjebagadus ja jahkeplánaevttohus.
Sávve oahpponeavvu šaddá miellagiddevaš ja ávkkálaš reaidun eambbo biepmu ja dearvvašvuođa birra oahppamii.
Almmuhan/Utgitt 2021
s:163
Dipma olggoš/heftet
