Harald Gaski
Njealját máilbmi čállá gullá oktii oahppogirjjiin Njealját máilmmi čiegáin. Oahppogirji giehtadallá álgoálbmotgirjjálašvuođa olu viidábun go maid dát čoakkáldat dáhká. Dán ulbmil lea dušše addit álgo-máistaga vai oahppit movttáskit lohkagoahtit dan máilmmigirjjálašvuođa maid álgoálbmogat buvttadit. Girjjis leat golbma álgočeardda ovddastuvvan - davviamerihká indiánat, Ruonáeatnan inuihtat ja Australia aborigiinnat. Čállit gullet riikkaideaset dovdosemos čálliid gaskii, ja muhtumat ovddasit máilmmi girjjálašvuođa dási. Fáttáid ja hámiid dáfus teavsttat leat ođđaaigásaččat ja sisttisdollet sihke dološ duohtavuođa ja viisodaga, humora ja ironia, muhto govvejit maiddá álgoálbmogiid gaskkohagaid garra dili.
Juohke teavstta ovddabealde lea oanehis álggahus mii lea jurddašuvvon addit veaháduogášdieđuid válljejuvvon teavsttaid birra.
Almmuhuvvon: 2003-12
Čatnan: Dipma olggoš
Siiddut: 116
Giella: Davvisámegillii
ISBN: 9788273745058
Lágádus: Davvi Girji
Logg inn først
Logg inn
