Jávoheamit

Marianne Solbakken Boine

Girjjis leat 10 novealla dáiguin fáttáiguin: beahtahallan párradilis, doaruheapmi, balaheapmi, luohttámuša rihkkun, boazosuoládeapmi ja erenoamáš attáldagat, givssideapmi, ballan ja váivahuvvan ja huškkohallan sihke skuvllas ja servodagas, ja mánáid dilálašvuohta ja lojalitehta go váhnemat leat earránan ja mánáin leat guokte ruovttu. Sámis lea jaskatvuođakultuvra, gos váttes áššiid birra ii galgga hupmat, ja nu dat jávket jávohisvuhtii. Sámis lea dárbu eambbo hupmagoahtit tabuáššiid birra. Danne leage čálli dál almmuhan nuppi noveallačoakkáldaga tabuáššiid birra Sámis, justa fal čuollan dihtii bálgá olggos dan jaskatvuođakultuvrras. Seammás háliida čálli provoseret Sámi servodaga rahpasišgoahtit ja duostat ságastišgoahtit dáid fáttáid birra.