Harald Gaski
Dán girjái leat muhtunráje čohkkejuvvon Harald Gaski sátneduojit mat leat Sámeradios gullon. Koseriijat leat ođasmahtton ja heivehuvvon čálahápmái.
Girji lea juhkkojuvvon fáttáid mielde. Giellastoahkamis, geažidemiin ja árvaladdamiin lea guovddáš sadji, muhto dás gávnnat maiddá duođalet ja esseijalágan čállosiid mat giehtadallat dálá sámi servodaga ođasmahtti geahčastagain.
Girji heive sihke vuoiŋŋastanlogusin, ođđa jurdagiid boktimii ja vaikkoba oahppomateriálan čába- ja fágagirjjálašvuođas.
Muhtun sitáhtat:
«Sápmelaččat fertejit leat okta daid movttegemos álbmogiin olles máilmmes, mis orru álo leamen juoidá somá maid muitalit.»
«Imaštan go ii goassige fállojuvvo guoktiluššankursa gostige, in ge leat oaidnán ahte dis livččii fálaldat mo galgá árvvohuššat, dahje njálggistit ge. Ja mo snoallamiin? Buohkat dadjet sápmelaš lea nu čeahppi geažidit, na goas de livččii kursa dan birra?»
«Lea ihtán juoga mii nu ođđa man in máhte gohčodit manin ge earán go álgoálbmot-iešdovdun. Dan vuohttigoahtá min musihkas, dan oaidná omd. hui čielgasit Riddu Riđu-doaluin, ja dan vásiha go ságastallá nuoraiguin.»
Almmuhuvvon: 2010
Čatnan: Garra olggoš
Siiddut: 160
Giella: Davvisámegiella
ISBN: 9788282630085
Lágádus: ČálliidLágádus
Logg inn først
Logg inn
