HEIDI GUTTORM EINARSEN
Energiija ja materiija– oahppogirjjis mii oahppat dan birra mo geavahit guovddáš teoriijaid, lágaid ja modeallaid čilget min fysalaš máilmmi. Go geavaha máhtu energiija materiija birra, de mii áddet luonddufenomenaid ja oaidnit oktavuođaid luonddufágas.
Oahppogirjjis leat guhtta oasi. Juohke oassi bovde oanehis teavsttaiguin, oahppoulbmilliiguin ja gažaldagaiguin lohkat ja oahppat eambbo fáttá birra. Teakstaoasit ovttas ollu govaiguin, gažaldagaiguin ja geažidemiiuin leat hábmejuvvon dainna ulbmiliin ahte boktit ja bisuhit oahppanmovtta ja sáhkkiivuođa fágii.
Eará oahppogirjjit mat gullet dán oahpponeavvoráidui:
Eallin
Rumaš ja dearvvasvuohta
Neahtas:
Bargogirji
Heivehuvvon digigirjjážat juohke oassái
Oahpaheaddjibagadus
Osiid loahpas leat čoahkkáigeassu ja bargobihtát. Eanaš bargobihtát leat rabas bargobihtát. Dat mearkkaša ahte dat leat hábmejuvvon dáinna lágiin ahte daidda eai gávdno dihto fasihttavástádusat, muhto baicce galget boktit áŋgiruššama, imašteami, digaštallama ja iskkadeami. Dat hástalit maiddái báikkálaččat bargat. Bargogirji fállá iešguđetlágan doaimmaid bokte oahppogirjeteavsttain fasihttavástádusaid ohcat, doabahárjehallamiidda, doabaipmárdussii ja organiseret diehtaga.
Almmuhuvvon: 2023
Siiddut 159
Dipmaolggoš
Giella: Davvisámegillii
ISBN: 978-82-8263-494-6
Lágádus: ČálliidLágádus
Logg inn først
Logg inn
