Ja muitalusat Sámis - Aslat Somby muitalan
Anders Somby
… Son govččai vuot uvssa ja doamihii sisa nahkehit buvssaid, readdju ja skuovaid ala. Dan bottu go lávkii lei bordime, de vuot jullagođii feaskáris. Guldalii. Jienat ledje dán vuoro mihá garraseappot, ja son dahje sii ahte guđet rigerejedje, orro suhtus. Olmmái roaiskulii lávkka oalgge badjel, viehkalii feaskkeruvssa lusa ja rohttii uvssa rabas.
Jienat jávke fáhkkestaga. Dieđusge ii lean oktage doppe ja fárpalat ja spiikkárat ledje das gosa lei guođđán daid.
Olmmái viegai feaskára čađa ja uksaráigge olggos, bálgá ala.
Geahčastalai birra. Ii oidnon oktage lahkosis.
Muhto ii son lean das goitge áigon orrut. Áiggui beassat guhkás eret báikkis nu johtilit go vejolaš. Son lei áibbas vissis ahte dáppe ledje balddonasat. …
Máŋga muitalusa dán girjjis leat čállojuvvon nugo áhččán, Áslat Persen Somby, njálmmálaččat lea muitalan daid. Muitalusaid juogadii jumešbártnážiiddisguin, Anders ja Per-Ivar Somby guoktáin, sudno mánnávuođabeivviin 1-970-logus. Dát leat muitalusat maid vuođđun leat dološ sámi cukcasat, árbevirolaš balddonasmáidnasat, earet eará duoddaris, ja muđui smávva somás muitalusažat beaivválašeallimis, maid duohken leat duohta dáhpáhusat. Muitalusaid áigelinnjá fatná guovtti buolvva badjel. Áhči árbe-virolaš muitalusaid njálmmálaš gaskkusteami rájes gitta girječálli čállinhápmái ja su ođđa muitalusaide, vásáhusainis mánnávuođastis rávisolbmoeallima rádjái.
Almmuhan: 2022
Garraolggoš
Siiddut: 106
Davvisámegillii
ISBN: 978-82-82-635035
ČálliidLágádus
Logg inn først
Logg inn
