Luottat bálgát - ođđaset sámi girjjálašvuohta

Harald Gaski

Girjji ulbmil lea addit gova guovddáš girjjálašvuođa fáttáin jahkeduhátmolsuma áiggi. Sámi čállin áddejuvvo ja giehtadallojuvvo dán girjjis govddibun go mii leamaš dábálaš dán rádjái. Dasa gullá sihke fikšuvdna- ja áššeprosa, ja das ságastallojuvvo girjjálašvuođa sadji servodagas ja servodatdigáštallamis. Girji lea vuosttažettiin jurddašuvvon joatkaskuvlla sámegiela fáddágirjin, muhto heive buohkaide geat berostit girjjálašvuođas. Girjjis leat bargobihtát ja hástalusat. Daid áigumuš lea oalgguhit lohkkiid ságastallagoahtit girjjálašvuođa máŋggaid fáttáid, ja dárkilebbo smiehtadit sihke árvvoštallama, jorgaleami ja fága- ja čáppagirjjálašvuođa gaskavuođa birra, ja vaikkoba movttáskuhttit lohkkiid ráhkadišgoahtit iežaset árvvoštallamiid iežaset lohkama ja dulkoma vuođul.