Johanna ljäs Gaup
Dieđát go mii erohusaid lea dán guovtti cealkagis: ”Son lea bargan snihkkárin guokte jagi” ja ”Son lea bargan snihkkáriin guokte jagi”? Nabai dán guovtti cealkagis: ”Muhtun váhnemat lohket mánáidasaset juohke beaivve” ja ”Muhtun váhnemat lohket mánáideaset juohke beaivve”? Nabai dieđát go manne galggašii čállit ”namahis reive” ii ge ”namakeahtes reive”? Dán girjji ulbmil lea fuomášuhttit movt sánit sojahuvvojit ja geavahuvvojit giellaoahpalaččat. Čilgehusaid lassin girjjis leat bargobihtát main beassá hárjehallat sániid sojaheami ja geavaheami. Girjjis leat maid bargobihtát riektačállináššiid birra, ja loahpas lea sátnelistu masa leat čohkkejuvvon sánit maid čállin dahje geavaheapmi sáhttá muhtumin dagahit váttisvuođaid.
Girji lea ráhkaduvvon universitehtaid ja allaskuvllaid gielladikšunoahpahusa várás, muhto oasit heivejit maiddái earáide geat háliidit dovddiidit davvisámegiela čállinrávvagiidda. Johanna Ijäs Gaup lea Sámi allaskuvlla professor, ja son lea bargan sámegiela oahpaheaddjin ja dutkin sihke Sámi allaskuvllas ja UiT Norgga árktalaš universitehtas. Dasa lassin son lea bargan dutkin Sámi Instituhtas.
-----------
Almmuhuvvon: 2026-05
Čatnan: Dipma olggoš
Siiddut: 152
Giella: Davvisámegillii
ISBN: 9788232906604
Lágádus: Davvi Girji
Logg inn først
Logg inn
