Niillas Holmberg
Juolgevuođđu lea poehtalaš manifeasta, mii lea Niillas Holmberga vuosttas čađa politihkalaš diktagirji. Govvadáidaga lea dahkan Inga-Wiktoria Påve.
Dát diktagirji huksesta symbolaid ja giellagovaid máilmmi, mii guorahallá eanaoktavuođa ja hástalusaid dan gáhttemis. Girji čuoččuha ahte mii fertet máhccat julggiide, danin go juolggit leat min guoskkahusat eatnamii. Julggiid ja eatnama gaskkas mis dávjá leat gápmagat ja girjji okta deháleamos giellagovain lea ge gámagoarru gii buvttada ja vuovdala juolgesujiid.
Girjji čađa johtá sárggis, mii ii boatkan goassige, muhto dahká gierddu nugo olu álgoálbmogiid áddejupmi eallima ja luonddu birra lea. Seamma gierdu boahtá ovdan, go girji johtá skábmaijas geassái ovdalgo fas dálvá. Siiddut ovdanbuktet eatnama dovdduid – dat laggá, ganjalda ja skužaida. Divttat leat sárgá vuolde, eatnamis, nugo maiddái eatnanvuložat – sii geat duolmmastit juolgevuođuideamet vuostá eatnama vuolde.
Almmuhuvvon: 2018
Čatnan: Dipma olggoš
Siiddut: 144
Giella: Davvisámegiella
ISBN: 9788290625899
Lágádus: DAT
Logg inn først
Logg inn
