Svein Lund
Norgga oahpahusođastusat ja sámi oahpahus
«Sámi skuvla vai Norsk Standard?» girji jearrá man muddui Norgga skuvladoaimmahat lea vuhtii váldán sámi oahppiid. Girji máinnaša Norgga skuvlahistorjjá áiggiid čađa, ja geahčada našuvnnalaš norgga ja sámi skuvlahistorjjá bálddalagaid.
Dás lea čállon vuosttas sámi skuvlaoahpu birra Thomas von Westen áiggis, dáruiduhttima birra ja «Finnefonda» birra, mo sámegiella geavahuvvui oahppogiellan 1960-logu rájes ja gitta vuođđoskuvlla, joatkkaskuvlla ja allaskuvlla ođastusaide 90-logus.
Čálli čuoččuha ahte maŋŋil go sámegiella ja -kultuvra dađis oaččui stuorát saji skuvllas 70- ja 80-logus, de 90-loguid ođastusat fas geahpededje sámi sisdoalu. Dát ii lean plánejuvvon dáruiduhttima boađus, muhto ahte skuvladoaimmahus galggai šaddat buohkaide seammalágan, «Norsk Standardin». Oktan historjjálaš ovdanbuktimiin, de girjjis ságaškuššojit dehálaš pedagogalaš prinsihpat dáža ja sámi skuvlaovdáneamis.
Almmuhuvvon: 2003-03
Čatnan: Dipma olggoš
Siiddut: 118
Giella: Davvisámegillii
ISBN: 9788273741575
Lágádus: Davvi Girji
Logg inn først
Logg inn
