Maj-Lis Skaltje
Luohti lea bohcco nuohtta.
Luohti lea ožžon šuoŋaid lottiid, jogaid ja biekkaid jienain.
Luohti lea oanidan guhkes sevdnjes dálveijaid, lea leamaš guoibmi viiddis mehciin, lea addán fámu go miella lea vuollin ja bargu lossat.
Luohti lea illu.
Luohti bisuha olbmo nuorran.
Luohti lea muitingoansta, aktasaš somá ja vuohki ráhkisvuođa vuosehit.
Luohti olle guhkibui go sánit, lagada ja laktá sogaid, olbmážiid ja olmmošbuolvvaid. Daid nai mat leat juo iežá máilmmis.
Dan gulai Maj-Lis Skaltje go 1992:s jearahalai lagabui vihttalogi olbmo, Árjepluovi rájes Gárasavvonii, sin jurdagiid, vásáhusaid ja muittuid juoigama birra.
Son lei Ruoŧa Sámiid Riikkasearvvi ovddas čoaggime dieđuid sámiid musihkkavieruid birra. Buohkat geat muitalit eai leat juoigit, muhto juohkehaččas lea juogalágán muitu dahje govvehus juoigama hárrái. Muitaleaddjit, boarráseamos riegádan 1912 ja nuoramus 1954, govvejit got juoigan lea čatnon olbmo doaimmaide ja maiddái jáhkkui, ja dasa lassin oažžu gova jearahallon olbmuid guovllus ja eallimis sin áiggis.
Girjjis leat čáhpes-vilges govat
Almmuhuvvon: 2005
Čatnan: Garra olggoš
Siiddut: 303
Giella: Davvisámegiella
ISBN: 9788290625509
Lágádus: DAT
Logg inn først
Logg inn
