Maarit Hivand
Girjji vuosttas oasis čálli geahčada olbmo iežas ruohttasiid ja gullevašvuođa ja ná ohcala máttuid oktavuođaid iežas eallimis. Dolin sápmelaččaid oainnu vuođul luondu ja oba máilbmi eallá ja dát čilge ge dan áiggi hálddiid ja ipmiliid leahkima. Girjji nuppi oasis álgá ge Rástegáissá dikta. Rástegáisá lea erenoamáš báiki sámi guovllus. Sámi dološ oskus lei ja leat álo muhtin báikkit ja duoddarat erenoamážat. Dát báikkit ledje bassi báikkit ja daidda olbmot oaffarušše ja adde vearuid skeaŋkan. Beaivváš lei ja lea ain okta dain deháleamos Ipmiliin. Dat oidno meavrresgári govvosiin.
Beaivváš lei dehálaš dolin ja sii bivde ge dan čuvget duoddaris mátkošteaddjiid luottaid. Biegga ja dálkkádat mearkkašii olu dolin sápmelačča eallimis. Olbmot jáhkke, ahte biekkaháldi ássá allin alla ja báktás duoddariin. Doppe dat ássá ja mudde sihke láivves ja garra biekkaid. Dolin lei dehálaš dovdat ja diehtit dálkkiid, ja daid váikkuhusaid. Šiella, čába geađgi johttá gáissá čielggis botnái ja čájeha jagi áiggiid, bassi báikkiid ja dološ olbmuid luondduin ovttastallamiid.
Almmuhuvvon: 2026-09
Čatnan: Garra olggoš
Siiddut: 53
Giella: Davvisámegillii
ISBN: 9788232906673
Lágádus: Davvi Girji
Logg inn først
Logg inn
