Beaivváš čuohká gaba – Aurinko juo kermaa

Beaivváš čuohká gaba riegádišgođii go Miro dáhtui Ima čállit oanehis divttaid musihkkaduodjái. Girjjis leat buot divttat leat sáme- ja suomagillii.

Divttat leat juhkkon gávcci oassái, gávcci jagiáigái, ja luondu ieš oaidná ja muitala. Luonddu báhkat ja buollašat ja olbmo miella johtet giehtalagaid. Girji álgá Sámi alimus áiggis ja nohká lohpádusaid áigái; namalassii giđđageassái goas olles luonddu fámut ja gáhppálagat fas leat ealáskeamen ja máhccamin.

Divttat leat oanehaččat ja deaivilat, mat girjjálašvuođa doahpagiid hárrái muittuhit sihke aforismmaid ja vel sátnevádjasiid ge. Ima lea hábmen divttaidis ovddalgihtii mearriduvvon čállinminstara mielde, man son ieš gohčoda ”taikun”, movttiidahtton guovtti Japána diktenhámiin, namalassii ”haiku” ja ”tanka”. Goappašat hámit galget leat čállon čavga stávvaljuogu mielde, mas haiku-divttain galgá leat stávvaljuohku lea 5-7-5 golmma linjjái, ja tanka-divttat gis leat hábmejuvvon vuogádagain 5-7-5-7-7 viđa linnjái. Ima divttat čuvvot stávvaljuogu 5-7-7.

Dáinna girjjiin oažžut ođasmahtti ja hámi dáfus hástaleaddji diktačoakkáldaga, mii doallá hui alla dási ja duođašta dovdamuša máilmmi girjjálašvuhtii ja mii movttiidahttá ođđa vugiid iskat.

CD mii čuovvu girjji lea diktamusihkkaduodji mas Ima lohká divttaidis sihke sáme- ja suomagillii, ja muhtin divttaid Miro lávlu suomagillii. Jagiáiggiid ja dovdduid molsašuvvan gullo musihkas ja sániin. Miro hukse jietnamáilmmi, mas luondu, musihkka ja divttat šaddet oktan ollisvuohtan.

Almmuhuvvon: 2014

Čatnan: Garra olggoš

Siiddut: 152

Giella: Davvisámegiella ja Suomagiella

ISBN: 9788290625783

Lágádus: DAT