Edel Marit Gaino
Per Asle Sara lea sárgon govaid girjái.
Girjjis leat ge 11 balddonasmuitalusa mat heivejit nuoraide ja buohkaide geat dustet lohkat imášlaš fearániid. Dás leat moadde máisttanasa makkárat balddonasat sáhttet leat;
Ráimmahallan muitalusas de Lávrans bilkida jápmán olbmo hávddis láddjedettiin ja hástala su boahtit alcces juhkanolmmájin. Nabat de ihkku go galgá nohkkat, gii boahtáge guossái?
Eará muitalusas de sáhttá niehku muitalit ja rávvet, muhtomin boahtteáiggi ovdosii, nugo iežan niegus mas mun lahkonišgohten johk`gátti. Oidnen eará vel joga botnis mii nu vielgái. Mun gávdnen olbmo dávttiid mat ledje čadnon gitta ruovdevirjjiguin stuora geađgái joga bodnái. Moadde mánu maŋŋil deaivvadin albmáin gii ii háliidan muinne buori.
Bijahallan olbmot muitalusas imaštit luomečoaggit manin sin árageđggiide leat čullojuvvon ruossat. Ihkku vuolgá okta sis geahčadit geađgegubá ja gávdná dološ veaikegievnni. Ii lean sis šat ráfi ovdal go fas máhcahedje gievnni dan vuoiŋŋadansadjái.
Rievssat muitalusas cakkadišgođii rievssat olbmo, iige luoitte su vázzilit ruoktot. Son gullá amas rosvvuid boahtimin iežas ruoktot, muhto ieš gal lea jávkkohagas, ja iige gávnnahala go rievssat gusto lei su gádjumin.
Speajal muitalusas leaba nieiddaguovttos fuobmán somá dihtii gonstošit ja áiguba geahččat speadjalii gaskaija áiggi, vai oaidniba iežaska boahtteáiggi. Muhto Mia dušše čohkkái das, áibbas šoavkat, čalmmit visot ruvssodan. Mia ii sáhttán muitalit maid doppe oinnii vaikko vel vikkaige ja orro dego amas fámut hehttejedje su muitaleamis.
Almmuhuvvon: 2020
Čatnan: Garra olggoš
Siiddut: 64
Giella: Davvisámegillii
ISBN: 9788232900886
Lágádus: Davvi Girji
Logg inn først
Logg inn
